Gitay-og sa 5.0 nga linog ang probinsya sa Surigao del Sur, 12:02 sa udto, Disyembre 19, 2025, sumala sa opisyal nga datos sa Philippine Institute of Volcanology and Seismology (PHIVOLCS).
Ang epicenter sa linog nahimutang sa 086 kilometros sa amihanang-sidlakan (N 70° E) sa lungsod sa Hinatuan, nga adunay 3 kilometros nga giladmon, hinungdan nga nabati kini sa daghang lugar sa probinsya.
Sumala sa PHIVOLCS, mao ni ang mga reported intensities:
- Intensity IV – Hinatuan, Surigao del Sur, diin nabati ang kusog nga pagtay-og sa kabalayan ug establisyemento
- Intensity II – Bislig City, Surigao del Sur
- Intensity I – Tagbina, Surigao del Sur
Gipahayag sa ahensya nga tectonic ang hinungdan sa maong linog ug wala pa’y nareport nga dakong kadaut sa mga kabtangan o pagkadaut sa kinabuhi sa mga residente.
Gimandoan ang publiko nga magpabiling kalmado ug alerto, ilabi na batok sa posibleng aftershocks. Giduso usab sa mga otoridad ang pagsunod sa mga earthquake safety measures, sama sa paglikay sa delikadong mga lugar ug pag-andam sa emergency kits.
Padayon ang monitoring sa PHIVOLCS ug sa lokal nga panggobyerno aron masiguro ang kaluwasan sa katawhan.
Photo courtesy: PHIVOLCS- DOST
