Gipasidunggan sa Senado ang Filipina swimmer nga si Kayla Sanchez human giaprobahan ang usa ka resolusyon nga nagdayeg sa iyang talagsaong nahimo sa 2025 Southeast Asian Games sa Thailand, diin nakadaog siya og tulo ka gold medal ug lima ka silver medal.
Personal nga gidapit si Sanchez sa Senate plenary hall, diin iyang gidawat ang kopya sa resolusyon human sa mubo nga pagsuspinde sa sesyon niadtong Miyerkules, Disyembre 17, 2025, isip opisyal nga paghatag-pasidungog kaniya.
Gipahayag sa mga senador nga ang pasidungog usa ka pag-ila sa dedikasyon, disiplina, ug kalampusan ni Sanchez nga nagdala og dungog sa nasud sa internasyonal nga kompetisyon.
Photo Courtesy to: Senate of the Philippines
