Nagpagawas og Memorandum Order No. 424-2025 ang Office of the City Mayor nga nagmando og temporaryong pagdili sa parking sa atubangan sa Digos City Hall sugod alas 8:00 sa buntag sa Disyembre 19, 2025.
Ang maong lakang kabahin sa mga preparasyon alang sa Traditional Honors and Respect Tribute sa pagtahod sa namatay nga Barangay kapitan Oscar “Dodong” H. Bucol, Jr., nga ipahigayon alas 2:30 sa hapon sa City Hall Lobby sa maong adlaw.
Sumala sa memorandum, istrikto nga gidili ang parking sa Jose Abad Santos Street atubangan sa City Hall, partikular gikan sa lugar sa mga street vendors daplin sa Lim Street hangtod sa ganghaan sa City Disaster Risk Reduction and Management Office (CDRRMO) daplin sa Lapu-Lapu Street.
Gipasabot sa City Government nga ang temporaryong parking restriction gitumong aron masiguro ang hapsay nga pagpadagan sa tribute, kaluwasan sa mga pedestrian, ug sayon nga pagpatuman sa security ug logistical preparations sa palibot sa City Hall.
Gimandoan usab ang tanang Department Heads ug Division Heads sa City Government nga ipahibalo kini sa ilang mga kawani ug masiguro ang hugot nga pagsunod sa maong memorandum order.
Ang maong mando gipirmahan ni City Mayor Josef F. Cagas, ug gipatuman pinaagi sa Assistant City Administrator / Acting LEDIPO Raquel Marie L. Chiong.
Ginaawhag ang publiko ug mga motorista nga mangita og alternatibong parking areas ug motuman sa ipatuman nga regulasyon aron malikayan ang disgrasya ug kalibog sa maong adlaw.
SOURCE: ALLAN AFDAL NAWAL
