Nipahigayon ug red teaming inspection ang General Santos City Police Office ngadto sa mga PNP personnel nga gipakatap sa nagkadaiyang simbahan sa tibuok General Santos City atol sa ikatulong adlaw sa Simbang Gabi (Misa de Gallo).
Ang inspeksyon gihimo aron masusi ang kaandam, posisyon, ug pagkaalerto sa gipakatap nga mga personahe, masiguro nga epektibo ang pagpatuman sa mga lakang sa seguridad ug kaluwasan sa mga magsimba atol sa misa.
Pinaagi niining padayon nga presensya sa kapolisan, visibility, ug koordinasyon aron sa paghatag og tabang, pagdumala sa mudagsa sa katawhan, ug pagpatunhay sa kalinaw ug kahusay gawas sa mga simbahan.
Ang GSCPO nagpadayon sa ilang pasalig sa usa ka luwas, malinawon ug makahuluganon nga Simbang Gabi alang sa tanang katawhan sa syudad sa Gensan.
Photo Courtesy to:GSCPO
