Padayon ang kainit sa San Miguel Beermen human ilang gilampaso ang Blackwater Bossing, 116–92, sa PBA Season 50 Philippine Cup niadtong Sabado sa gabii, Disyembre 13, didto sa Ynares Center sa Antipolo.
Human sa ikapito nilang sunod-sunod nga kadaugan, ang Beermen karon nakigtigi na sa liderato uban sa Rain or Shine Elasto Painters, nga pareho nang adunay 7–2 nga rekord. Tungod niini, sigurado na silang mosulod sa Top Four, nga adunay twice-to-beat advantage sa quarterfinal playoffs kon modaog sila bisan usa sa ilang katapusang duha ka duwa sa eliminasyon batok sa Terrafirma ug Meralco.
Mibalik sa maayong porma ang San Miguel human sa pagkapildi sa ilang miaging duha ka duwa batok sa NLEX ug Phoenix. Gipangulohan ni CJ Perez ang scoring sa Beermen nga adunay 16 ka puntos, samtang sila June Mar Fajardo ug Rodney Brondial parehong miposte ug double-double.
Si Fajardo mitala og 11 puntos ug 12 ka rebounds, samtang si Brondial mipuno og 15 puntos ug 10 ka rebounds. Dako usab ang natampo ni Jericho Cruz nga adunay 12 puntos sa kadaugan sa San Miguel.
Photo Courtesy to: Spin.ph
