Personal nga gibisita ni Jail Superintendent Ferdinand D. Pontillo, Regional Director sa Jail Bureau, mga pasilidad sa prisohan sa probinsya aron masiguro ang maayong kahimtang sa mga pasilidad ug kaayohan sa mga personnel ug Persons Deprived of Liberty (PDL).
Lakip sa iyang gibisita ang Bislig City Jail ug Bislig District Jail, aron susihon ang padayon nga konstruksyon sa perimeter fence ug ang kinatibuk-ang kahimtang sa pasilidad; Lianga District Jail, nga gi-pokus sa CCTV system ug opisyal nga logbooks; Surigao del Sur District Jail, alang sa inspeksyon sa bag-ong gi-transfer nga pasilidad; ug Cantila District Jail, alang sa kinatibuk-ang inspeksyon sa pasilidad.
Sa iyang pagbisita, personal nga gisusi ni Regional Director Pontillo ang kahimtang ug morale sa mga jail personnel, ug gi-assess ang kahimtang sa Persons Deprived of Liberty (PDL) nga ilang gipang-atiman. Gipalig-on niini ang komitment sa Bureau sa pagpanalipod sa luwas, segurado, ug makatawhanong jail facilities pinaagi sa padayon nga on-site supervision.
Poto courtesy: BJMP Caraga Region Page
