Nakahukom ang FIFA nga pakunhuran ang presyo sa mga tiket sa World Cup pagkahuman makadawat og daghang reklamo gikan sa mga football fans.
Daghang fans ang nasuko sa dihang gipahibalo nga ang presyo sa tiket alang sa finals moabot sa $4,185. Sa pag-atubang niini, miingon ang FIFA nga adunay $60 nga kantidad nga tiket nga mapalit sa matag duwa sa torneo sa North America.
Ang maong mga tiket ipang-apod-apod sa mga nasudnong federasyon, nga mao usab ang magbahin niini ngadto sa ilang loyal fans nga mitan-aw sa miaging mga duwa. Dugang pa, imbes nga libu-libo ang gidaghanon sa mga tiket, usa na lang ka gatos ang matag nasud nga federasyon makadawat.
Kini ang unang edisyon sa World Cup nga adunay 48 ka teams, gikan sa dati nga 32. Gilauman sa FIFA nga makakolekta kini og $10 bilyon gikan sa torneyo.
Ang labing barato nga tiket alang sa group stage nagkantidad gikan sa $120 hangtod $265, wala pa labot ang mga co-host nga US, Canada, ug Mexico.
via: ZAC ELECTRIFLY
