Gitaho nga na-missing ang usa ka 30-anyos nga babaye og nakatakda unta kaslon sa Quezon City, sumala sa mga public post sa iyang fiancé nga si Mark Arjay Reyes.
Ang nawala nga babaye mao si Sherra de Juan, nailhan usab nga Sarah de Juan, nga giingong wala na makit-i sukad niadtong Disyembre 10, 2025.
Sumala sa taho, ulahing nakita si De Juan sa usa ka gasolinahan sa North Fairview alas 1:37 sa hapon. Sa dihang siya nakita, nagsul-ob siya og itom nga pantalon, itom nga jacket ug itom nga shirt, ug nagdala og tumbler ug coin purse.
Sumala sa iyang fiancé, gilauman unta nga ilang kasal ipahigayon niadtong Disyembre 14, ning tuiga, apan wala kini matuman tungod sa iyang pagkawala. Nag-offer usab si Reyes og Php20,000 nga pahalipay alang sa bisan kinsa nga makahatag og kasaligan nga impormasyon nga makatabang sa pagpangita sa kahimtangan ug asa na nahimutang ang iyang bride nga si De Juan.
Padayon ang panawagan sa pamilya ug mga kauban alang sa tabang sa publiko, ilabina upat na ka adlaw nga wala pa gihapon makit-i ang maong bride.
Photo Courtesy to : Mark Arjay Reyes (nishi) FB Page
