Patay ang usa ka indibidwal, samtang duha ang angol sa nahitabong panagbangga nga gikalambigitan sa tulo ka mga sakyanan nga natigayon sa Purok Manga, Barangay Balimbingan, Labangan, Zamboanga del Sur, adlaw’ng lunes, Disyembre 15, 2025.
Ang mga behikulo nga nalambigit sa panagbangga gilangkuban sa usa ka itom nga Kawasaki Barako motorcycle nga gimaneho sa usa ka lalaking hingkod ang panuigon nga may tulo ka kaubang sakay, usa ka white Geely SUV nga gimaneho sa usa ka 37-anyos nga lalaki nga residente sa Tukuran, Zamboanga del Sur ug usa ka Apple Green Suzuki Multicab nga gimaneho sa usa ka 33-anyos nga lalaki nga taga lungsod sa Tukuran, Zamboanga del Sur.
Sa inisyal nga imbestigasyon, susama unta nga nagbyahe ang kawasaki barako ug multicab paingon sa direksyon sa lungsod sa Tukuran apan gumikan sa kakusog sa dagan sa multicab aksidente niini nga nabanggaan ang atubangang bahin sa kawasaki barako.
Sa kakusog sa impact nalabay sa pikas direction ang kawasaki nga miresulta usab sa pagkabangga niini sa laing nagdagan nga SUV paingon sa syudad sa Pagadian.
Gumikan sa panagbangga ang driver ug ang tulo ka pasahero naka-angkon ug mga samad nga dali gidala pagdala ngadto sa Labangan Medical Center apan usa ang gideklara nga dead on arrival nga mismong inahan sa driver.
Naka-angkon usab ug mga samad sa lawas ang driver sa multicab nga gidala sa Zamboanga del Sur Medical Center in Pagadian City diin wala ra usab maunsa ang driver sa SUV.
Samtang tanang mga behikulo nga nalambigit sa panagbangga pulos na nga gikustudiya sa Labangan Municipal Police Station alang sa dokumentasyon ug tukmang lakang.
Photo for illustration credit to: The Washington Post
