Nagpahigayon ang Port Management Office Lanao del Norte-Iligan (PMO-LNI) og Mental Health Awareness Orientation alang sa Building Resilience and Well-Being sa tanang empleyado, niadtong nakalabay’ng adlaw.
Ang orientation nagtutok sa lalom nga hisgutanan sa mental health, healthy workplace, ug ang kahinungdanon sa usa ka suportadong palibot. Gipasabot ni Acting Port Manager Arthur B. Nogas sa tanang partisipante ang commitment sa organisasyon sa pagpalambo sa mental resilience sa empleyado.
Pinaagi sa lain-laing interactive activities sama sa pag-ila sa kaugalingong kusog, body mapping, ug self-assessment exercises, natabangan ang mga empleyado sa pag-ila sa personal nga mga hagit ug pagbaton og mas himsog nga emosyonal ug psychological nga tubag.
Ang ikaduhang bahin sa programa nagtutok sa praktikal nga aplikasyon ug long-term strategies, diin naglakip sa solution-focused exercises, bioenergetic activities, brainstorming sa mga posible nga solusyon, ug social mapping aron maatubang ang mga stressors sa trabaho.
Ang mga sesyon nagpadasig sa mga empleyado sa pag-reflect sa ilang kasinatian ug sa pag-komiter sa actionable steps alang sa pagpaayo sa ilang well-being.
Gipakita sa PMO-LNI ang ilang bug-os nga suporta sa kaayohan sa empleyado, kay ila kining giila nga ang usa ka himsog nga workforce usa ka yawe sa epektibong public service. Ang padayon nga komitment nagrepresentar sa panan-aw sa PMO-LNI sa pagpalambo sa usa ka workplace culture nga nag-champion sa resilience, compassion, ug kinatibuk-ang well-being.
Photo courtesy to: UW
