Un incidente de quemma el ya ocuri ayer noche na Brgy Zone 4, General Alvarez y Zaragoza street corner corcuerra street, ciudad de Zamboanga.
El 1st alarm ya principia alas 6:15 del noche donde quanto minutos lang ya pasa ya alcansa ya na 4th alarm el quemma alas 6:32 del noche y fire under control alas 7:41 uno del noche. El duenyo del edifico amu sy daniel ong wee donde nohay casualidad el ya reporta.
Ademas full scale response estaba na multiple emergency teams desde bureau of fire protection, city Fire Department, Zamboanga City Disaster Risk Reduction and Management Office, el Zamboanga City Water District y otros pa concierne ahencia el ya man ayudahan para apasigua el fuego.
Mientrastanto 10 milyon, 500 thousand pesos el valor del destroso y segun na initial investigacion el orihen del quema ya principia na aca segundo piso y initialmente porcausa na electrical wiring.
