LAB IN ACTION PROGRAM, GIPAHIGAYON SA DNPPO

Gipangunahan sa mga asawa sa mga opisyal sa kapulisan sa Davao Norte Police Provincial Office (DNPPO) ang pagpahigayon og Pamaskong Handog ngadto sa mga kabataan sa mga Child Development Center, ubos sa OLCFI’s, kon Offering Love and Care Foundation Incorporated, “Lab in Action Program,” niadtong Disyembre 10, 2025 sa Headquarters sa DNPPO, Tagum City.

Ang kalihukan gihimo pinaagi sa inisyatibo ni Ms. Merry Rose O. Nartatez, National adviser sa PNP Officers Ladies Club Foundation Inc. (OLCFI) nga kapikas ni OIC Chief PNP PLtGen Jose Melencio C. Nartatez Jr.

Atol sa maong programa sa nilabay nga adlaw, nangulo si Mrs. Cherry Rose D. Rosete, Regional Adviser sa Rehiyon- 11, uban sa mga miyembro sa OLCFI-DNPPO nga gidumala ni Mrs. Haidee Cristines, provincial adviser nga kapikas usab ni Davao del Norte Provincial Director PCol. Glenn G. Cristines.

Gipasalamatan ni Provincial Director Cristines ang OLCFI ug ang PNP leadership sa ilang walay puas nga suporta sa mga pamilya sa kapulisan ilabi na karong panahon sa kapaskuhan.

Malipayon usab nga nadawat sa mga tinun-an ang ilang Pamaskong Handog nga naglakip og dulaan ug food packs, samtang ang mga ginikanan ug magtutudlo nagpasalamat sa inisyatibo nga naghatag kalipay sa mga kabataan.