Nagpasidaan ang Department of Social Welfare and Development (DSWD) batok sa mikatag nga pekeng Facebook posts nga nag-ingon nga may mga Christmas bonus alang sa mga benepisyaryo sa Pantawid Pamilyang Pilipino Program (4Ps).
Matod ni Assistant Secretary Irene Dumlao, walay kamatuoran ang maong post ug posible nga hinimoan lang sa mga online scammers aron makuha ang pribadong mga impormasyon sa mga benepisyaryo sa 4Ps.
Gipahinumduman ni Dumlao ang publiko nga dili i-click ang mga link o maghatag ug mga personal nga detalye ug gihirit nga gikan lang sa mga municipal links ug city links ug sa opisyal nga social media pages sa 4Ps ug DSWD naggikan ang tibuod nga pahibalo.
Gihatagan og gibug-aton ni Dumlao, nga mao usab ang Data Protection Officer sa ahensya nga misunod ang DSWD sa Data Privacy Act ug wala gipagawas ang datos sa mga benepisyaryo.
Gi-agni usab sa DSWD ang publiko nga i-report ang mga kadudahang post sa Integrated Grievance Redress Management System o sa opisyal nga Facebook page sa 4Ps.
Photo Courtesy to: Logos World
