Mokabat sa ₱397,500 ang gibana-banang kantidad sa danyos human gilmaoy sa kalayo ang Baptist Christian Academy pasado alas 3:46 sa kadlawon karong adlawa Disyembre 10, 2025 sa Purok 2, Barangay Central Poblacion lungsod sa Kalilangan Bukidnon.
Segon kang Fire Officer 2 Jerome Mampatoa, Fire Arson Investigator sa Kalilangan Fire Station, sa pagpanubay sa Juander Radyo Malaybalay, nakadawat sila og tawag gikan sa usa ka concern citizen kabahin sa nagpadayon nga sunog maong eskwelahan asa dali gilayon nilang girespondihan ang maong lugar ug gideklarang fire out pasado alas 5:25 sa bunta.
Dugang pa ni FO2 Mampatoa nga ang maong insidente mao ang ikaduha sa pinakadakong sunog nga natala sulod sa ilang hurisdiksiyon, sanglit miabot kini sa second alarm level hinuon walay natala nga samdan o casualties sa panghitabo.
Gipahimangnoan sa Kalilangan Fire Station ang publiko nga magmatngon sa paggamit sa electronic devices sama sa Christmas lights ug uban pang dekorasyon karong panahon sa Kapaskuhan aron malikayan ang susamang insidente.
Sa karon padyon ang imbestigasyon sa Kalilangan Fire Station sa tinubdan sa maong sunog.
Photo Courtesy to: Saksipinas
