Nakahimo og kasaysayan sa SEA Games ang Philippine Men’s National Football Team, human nila gipildi ang Indonesia sa score nga 1-0.
Ang kadaugan maoy nagtukmod sa Pilipinas ngadto sa semifinals. Kini ang unang higayon sulod sa 34 ka tuig nga ang men’s football team nakasulod sa semifinals sa dula nga gipahigayon sa Chiang Mai, Thailand.
Bugtong si Otu Banatao ang naka score sa nasud sa wala pa ang halftime. Pagsulod sa second half, nagpakita og depensa ang Pilipinas ug wala na motugot nga makaiskor og laing goal ang defending champion.
Adunay duha ka daog ug walay pildi alang sa group stage ang men’s football team. Unang gipildi sa Pilipinas ang Myanmar 2-0 diin nagpaabot na lang ang Pilipinas sa top team sa Group A o B alang sa semifinals matchup nga ipahigayon sa Disyembre 15.
Photo Courtesy to: PFF
