Sobra na sa 800,000 ang natala nga ihap sa mga aplikante nga nagparehistro alang sa Barangay at Sangguniang Kabataan elections (BSKE) as of Disyembre 7.
Sa datos nga gipagula sa COMELEC, may kinatibuk-ang 877,422 ka mga indibidwal ang kwalipikado na nga makabotar alang sa 2026 BSKE.
Sa nasangpit nga ihap 199,037 ang mga Sangguniang Kabataan (SK) o nagpangidaron ug 15 anyos hangtud 17 anyos, samtang 678,385 ang regular nga botante o anaa sa edad 18 anyos pataas.
Ang bag-ong rehistrasyon alang sa SK voting miabot na sa 195,154, base sa datos sa Comelec.
Alang sa mga regular voters, ang mga bag-ong aplikasyon alang sa pagparehistro anaa sa 240,743 ug ang mga aplikasyon alang sa reactivation anaa sa 35,433.
Kahinumduman gisugdan sa Comelec ang nationwide voter registration alang sa 2026 BSKE niadtong Oktubre 20, 2025.
Una nang giingon sa Comelec target sila nga makarehistro sa 1.4 milyon nga bag-ong botante alang sa 2026 Barangay ug Sangguniang Kabataan Elections sa nasud.
Photo Courtesy to:Inquirer.net
