Gipasabot ni Dr Ronald Romano, HIV/AIDS Core Team Chairman, NEST Wellness Hub, City Health Office tungod walay cure o kaayuhan ang sakit nga HIV/AIDS expected nga motaas ang numero sa mga natapnan sa niini nga balatian.
Kahibaloan nga sa syudad, aduna nay estimated 2, 406 ka kaso sa HIV/AIDS karong tuiga. Samtang kung sa tibuok rehiyon, gikan tuig 1991 hangtud ning kasamtangan anaa na sa 4, 156 ka kaso.
Sumala pa ni Dr. Romano, nga dili tiaw ang numero ug angayan nga tutukan, apan dili sab nila buot makamugna og panic o kahadlok sa publiko. Dili sab angayan nga mag-tandi-tandi sa ubang mga syudad o lugar labi pa nga lahi-lahi og kapasidad diha sa pag-atubang niini nga problema sa panglawas.
Padayon ang paningkamot sa panggamhanan aron matabangan ang mga persons living with HIV labi na nga mapugngan ang ihap sa mga tao nga makakuha sa nahisgutang sakit. Target nila ang zero new cases sa HIV sa syudad.
Photo courtesy: Social Hygiene Clinic CDO
