Tungod sa stigma kon negatibong panglantaw ug diskriminasyon sa mga taong natapnan sa sakit nga HIV-AIDS nagpabiling taas ang kaso dili lang sa syudad sa Cagayan de Oro apan sa tibuok nasud, taliwala sa ubang nasud nga nakitaan na og pagkunhod.
Sumala pa ni Dr Ronald Romano, HIV/AIDS Core Team (HACT) Chairman, NEST Wellness Hub, City Health Office-CDO nga daghang tao nga at risk sa sakit ang mahadlok ug magduha-duha sa pagpatest tungod na sab sa kabalaka nga sila madiscriminate sa komunidad ug mahusgahan ang ilang pagkatao.
Apan ning kasamtangan, tuod walay tambal sa HIV-AIDS aduna nay mga medisina nga makatabang nga mapugngan ang pagkalat sa virus nga makatabang aron nga magpuyo gihapong normal ang mga persons living with HIV.
Busa giawhag nila ang tanan, labi na kadtong naga-engage na sa sexual activity nga magpatest ug walay angay kabalak-an tungod libre ug confidential ang HIV testing.
Photo courtesy: Medscape
