Andam na ang Poland nga makigtigi sa ubang nasud alang sa pag-host sa 2040 Summer Olympics, diin gitakda niini ang USD24 bilyon nga pohunan alang sa dakong plano, sumala sa lokal nga media.
Gipresentar sa nasod ang “Warsaw 2040 Sports Development Strategy,” nga nagpunting sa pagpaayo sa sports infrastructure ug paglig-on sa performance sa mga atleta. Apil sa programa ang 100 bilyon Polish zloty (USD24 bilyon) nga pondo, pag-hire og 1,500 ka bag-ong coaches, ug pagpatuman og four-year funding model alang sa sports associations.
Sumala ni Prime Minister Donald Tusk, “realistic goal” ang pag-host sa Olympics, ilabi na sa kasinatian sa Poland sa pagdumala sa Euro 2012.
Wala pa magbukas ang International Olympic Committee (IOC) sa pormal nga bidding process, apan gilauman nga isumite sa Poland ang iyang aplikasyon sa unang bahin sa 2026.
SOURCE: REUTERS
Photo Courtesy to:German council on foreign relations (DGAP)
