Nakatilaw og labatiba ni Misamis Oriental Governor Juliet Uy ang mga media nga matod pa nagapang daot kaniya atol sa flag raising ceremony sa kapitolyo sa nilabayng adlaw. Dugang sa Gobernadora nga daghan mga media nga gapa gamit sa politiko ug gapakatap og mga bakak nga istorya batok kaniya.
Gihangyo niini ang mga gitumbok nga gapang daot nga media kaniya nga mamahimo lang unta nga patas ug dili magpagamit sa mga politiko. Gipasalig pa sa Gobernadora nga andam siyang motabang sa mga sakop sa Prensa kung kinahanglan og dili na ipaagi sa pag pangatake sa mga way basehan nga mga pasangil.
Sa pikas bahin, nagpadayag ang National Union of Journalists of the Philippines-Cagayan de Oro City sa ilahang kabalaka sa nahimong pamahayag sa gobernadora.
Gitahod sa NUJP-CDO ang pamahayag sa gobernadora nga dili siya ganahan sa mga biased nga media, apan, gipahinumduman nila sa provincial chief executive nga ang mga journalists kinahanglan nga biased alang sa kamatuoran, bisan pa kung dili kini komportable, ug alang sa paghatag og tingog sa mga walay tingog.
Dili sab kinahanglan nga mohatag ang gobernadora og kwarta sa mga miyembro sa media, tungod kay kini nagpasabot og conflict of interest ug ang ethical nga mga journalists nasayod niini.
Photo courtesy: NUJP-Cagayan de Oro
