Misaka ang kaso sa HIV sa Caraga Region karong tuiga, nga miabot sa 2,195 ka kaso, sumala sa Department of Health sa rehiyon (DOH-13). Kini 731 ka kaso ang labaw kumpara sa 1,464 ka kaso sa miaging tuig.
Ang Agusan del Sur nakatala sa pinakataas nga ihap sa mga kaso karong tuiga nga adunay 379, misaka og 136 gikan sa 243 ka kaso sa miaging tuig.
Sa mga siyudad sa rehiyon, ang Butuan usab ang adunay pinakataas nga ihap sa mga nataptan karong tuiga nga adunay 522, o pagtaas sa 155 kon itandi sa 367 ka kaso sa miaging tuig.
Matod ni Arlene Serrano, HIV program coordinator sa DOH-13, ang unsafe sex usa sa mga nag-unang hinungdan sa pagsaka sa kaso. Gidugang niya nga ang serye sa information ug education campaigns nakapahimo sa daghang residente nga magpa-testing.
Ang datos nga gihatag sa DOH-13 nagpakita usab nga kadaghanan sa mga HIV positive sa rehiyon nag-edad og 25-34, o 49 porsyento, ug kadtong nag-edad 15 ngadto sa 24, adunay 35 porsyento. Ang nahabilin nga mga numero mao ang nag-edad 15 pataas, 35 hangtod 49, ug 50 pataas.
Ang male-to-male sex gikonsiderar usab nga labing taas sa HIV transmission nga adunay 1,357 ka mga kaso; male-to-male/female sex adunay 492 ka kaso; male-to- female sex adunay 307 ka kaso; ug ang nahabilin nga mga kaso wala pa ma identify.
Nakigtambayayong na usab ang DOH-13 sa DSWD ug mga LGUs aron mas mapalapad ang kahibalo ug awareness bahin sa HIV sa rehiyon.
Photo courtesy: PIA- CARAGA
