Napili isip flag bearer sa Pilipinas sa opening ceremony sa 33rd Southeast Asian Games sa Thailand si Pinay tennis star Alex Eala ug volleyball star Bryan Bagunas. Matod ni Philippine Olympic Committee (POC) President Abraham “Bambol” Tolentino, nga sikat ang pangalan sa duha sulod ug gawas sa sporting arena.
Giisip nga ang duha ang labing maayong napili tungod sa ilang kasikatan alang sa torneyo nga magsugod karong Disyembre 9 sa Bangkok, Thailand. Si Eala anaa sa world number 50 human sa iyang kalampusan sa mga WTA tournament.
Samtang si Bagunas ang team captain sa Alas Pilipinas men’s national team niadtong gipahigayon ang FIVB World Championship sa nasod niadtong Setyembre.
