Gipaabot ni Senator Bam Aquino ang iyang dakong pagdayeg sa Php1.038 trilyon nga pondo alang sa education sector ang pinakadako nga education budget sa kasaysayan sa Pilipinas. Gitan-aw kini sa senador nga usa ka “milestone” ug klarong pagbalhin sa pondo gikan sa mga proyekto nga pirmi masangit sa isyu sa korapsyon, ilabi na ang non-essential flood control projects.
Gikan sa orihinal nga Php13.2 bilyon sa National Expenditure Program, gitas-an kini sa Senado ngadto sa Php65.9 bilyon, adunay Php52.7 bilyon nga pagsaka, aron agresibong sulbaron ang 165,000 classroom backlog sa nasod. Giwarningan pa ni Aquino nga kung dili aksyonan dayon, mosaka pa kini labaw 200,000 ka classrooms sa umaabot.
Ang dakong budget giangkla sa Classroom-Building Acceleration Program (CAP) Act, nga siya mismo ang awtor. Pinaagi niini, makig-partner ang DepEd sa LGUs ug civil society aron paspason ang pagtukod sa mga classroom sa tibuok Pilipinas.
Photo courtesy: Bam Aquino/ Facebook
