Pormal nga nakigkoordinar ang National Bureau of Investigation (NBI) kang City Mayor Josef Fortich Cagas ug sa City Government of Digos pinaagi sa City Legal Office ug City Disaster Risk Reduction and Management Office (CDRRMO) alang sa pagkuha ug pagreview sa CCTV footage nga may kalabutan sa nagpadayong imbestigasyon sa pagpusil-patay kang Barangay Captain Oscar “Dodong” Bucol, Jr.
Human madawat ang request, daling giaksyonan sa CDRRMO ang retrieval ug extraction sa mga may kalabutan nga CCTV recordings gikan sa ilang monitoring system. Human niini, gisunod ang standard protocol ug gihatod dayon sa NBI ang kopya sa mga kuha.
Pinaagi sa CDRRMO, gipasabot sa City Government of Digos ang padayon niini nga commitment sa transparency, kooperasyon, ug inter-agency coordination aron masiguro ang hapsay ug epektibong pagpahigayon sa law enforcement operations ug pagpanalipod sa seguridad ug kalinaw sa katawhan.
SOURCE: CITY DRRMO DIGOS
