Sikop sa mga otoridad ang usa ka indibidwal sa gikasang search warrant operation didto sa Purok Magupay, Brgy. Poblacion, Cateel, Davao Oriental pasado alas 6:00 sa milabay nga buntag.
Ang operasyon gihimo sa mga personahe sa Cateel Municipal Police Station kauban ang mga sakop sa PIU-DOPPO nga nagresulta sa pagkasikop ni alyas JJ, 52-anyos, ulitawo, walay trabaho ug residente sa maong lugar.
Narekober gikan sa suspetsado ang usa ka unit sa 9 MM Mini-Uzi, usa ka piraso sa Magazine sa 9 MM Mini-Uzi, napulo ka piraso sa Live 9 MM nga mga bala ug usa ka unit nga Caliber .22 revolver.
Ang mga nakumpiskang ebidensya gi-tag, gimarkahan ug gi-imbentaryo sa lugar nga nahitaboan uban ang presensya sa dinakpan, mga representante ug mga saksi. Gipasabot usab ang suspek sa rason sa iyang pagkasikop pinaagi sa pinulongan nga iyang nasabtan subay sa balaod.
Sa pagkakaron ang akusado anaa na sa kustodiya sa Cateel Municipal Police Station alang sa tukmang disposisyon ug mag atubang sa kasong paglapas sa R.A. 10591 (Comprehensive Firearms and Ammunition Regulation Act).
Kini nga operasyon dungan nga kampanya kontra kriminalidad o Simultaneous Anti Criminality Campaign (SACLEO) nga gipatuman sa kapulisan.
Photo Courtesy to: PCR Cateel
