Posible nga mokabat og US$60 bilyon o hapit Php3.5 trilyon sa pagsulod sa 2030 ang merkado sa tokenized assets sa Pilipinas, base sa bag-ong report sa Philippine Digital Asset Exchange (PDAX), Saison Capital, ug Onigiri Capital. Apil sa mga tokenized investments ang public equities, government bonds, mutual funds, ug uban pang pinansyal nga instrumento.
Gibanabana nga sa maong total, US$26 bilyon ang gikan sa public equities, US$24 bilyon gikan sa gobyerno-back bonds, US$6 bilyon gikan sa mutual funds, ug US$4 bilyon gikan sa ubang assets.
Ang report usab nagpakita nga kapin sa 14% sa mga Pilipino ang naggamit ug cryptocurrencies, mas taas kumpara sa 2.4% sa mga namuhunan sa stocks ug ubos pa sa 1% sa mga namuhunan sa bonds.
Matod sa CEO sa PDAX nga sayon alang sa Pilipinas ang pagdaog sa tokenization tungod kay daghan na ang gamit sa blockchain wallets sama sa mga mobile wallets, busa dali ra ang pagduso sa digital investments ngadto sa kadaghanan.
Ang inisyatibo giila nga oportunidad aron mapalapad ang access sa pamuhunan bisan sa ordinaryong Pilipino, usa ka lakang padulong sa mas inklusibo ug modernong sistema sa pinansya.
Ang pagdako sa tokenized-asset market naghatag og bag-ong pamaagi sa pag-invest ug mas accessible na sa kadaghanan.
Posible nga modako ang partisipasyon sa financial market dili lang sa tradisyonal nga mga investors kundili bisan sa ordinaryong Pilipino, apan gikinahanglan gihapon ang hustong regulasyon ug edukasyon aron masabtan sa publiko ang risgo ug bentaha niini.
Photo Courtesy to: X.com
