Arestado ang usa ka Top 5 Most Wanted Person Provincial Level sa gilusad nga law enforcement operation Barangay Lower Sto. Niño, Mahayag, Zamboanga del Sur, adlaw’ng Miyerkules, Nobyembre 26, 2025.
Gikasa ang operasyon sa pagpanguna sa Mahayag Municipal Police Station nga miresulta sa pagkasikop sa usa ka 57-anyos nga lalaking mag-uuma nga residente ra sab sa nahisgutan nga lugar.
Siya gidakop pinasikad sa gahom sa warrant of arrest gumikan sa kasong Qualified Rape of A Minor nga giisyu sa Presiding Judge, Regional Trial Court, Family Court, 9th Judicial Region, Branch 8, Molave, Zamboanga del Sur pinetsahan kaniadtong Nobyembre 26, 2025.
Ang suspetsado sa karon nakakustudiya na sa Mahayag Municipal Police Station alang sa tukmang lakang.
Photo Courtesy to:PD ZSPPO, PRO9
