Mibalik sa pag-ensayo ang 22-time Grand Slam champion ug tennis icon nga si Rafael Nadal, hapit usa ka tuig human sa iyang pagretiro.
Sa bag-ong post sa tennis legend, makita nga kauban niya sa training si Filipino tennis star Alex Eala didto sa Rafa Nadal Academy.
Nalipay si Nadal sa iyang pagbalik sa tennis court, samtang giila usab niya ang kahanas sa Pinay tennis player. Gibiay-biay pa ni Nadal nga sa sunod mas kusgan na siya nga moatubang kang Eala.
Katapusang milaban si Eala sa singles niadtong Oktubre 30 sa Hong Kong Open, diin napakyas siya sa pag-abante sa Round of 16 batok sa Canadian tennis player nga si Victoria Mboko.
Nagretiro si Nadal niadtong 2024 human sa usa ka taas nga karera sa professional tennis, diin usa sa iyang labing inila nga rekord ang pagkahimong World No. 1 sulod sa 209 ka semana.
Photo courtesy: Rafa Nadal Academy/Instagram
