Immune na sa bashing si Sanya Lopez sukad pa sa iyang pagsugod sa showbiz. Sa usa ka interview, giingon niya nga daw “pa-welcome” sa industriya ang mga bashers ug wala na nagpa-apekto sa mga negatibong komentaryo kay matod pa wala siyay daotang gibuhat.
Para niya, mas maayo nga dili na lang tagdon ang mga pulong nga makapasakit og magpokus sa mas importante nga butang sa kinabuhi.
Gipasabot usab ni Sanya nga iya gi-limit ang oras nga iyang gigugol sa social media aron malikayan ang stress ug distraction. Nagtuo siya nga ang social media pwede makatabang o makadaot depende sa paggamit niini.
Gibutyag usab ni Sanya ang bag-ong negosyo nga iyang giablihan uban sa iyang igsuon nga si Jak Roberto, ang D’Crib (Sizzling House).
Sa bahin sa gugma, giingon ni Sanya nga usa ka non-showbiz half-Pinoy nga lalaki ang nagpapitik sa iyang kasingkasing karon.
Samtang iyang giila nga bisan daghang bashers sa social media, mas daghan ang butang nga makapahimuot ug makahatag og inspirasyon sa iyang adlaw-adlaw nga kinabuhi.
Photo courtesy:Tempo
