Nagpabilin nga nag-unang makapatay nga infectious disease sa tibuok kalibutan ang Tuberculosis (TB), sumala sa pinakabag-ong report sa World Health Organization (WHO).
Base sa datos, 1.23 milyon ka katawhan ang namatay tungod sa TB niadtong miaging tuig.Apan bisan pa man niini, kini mas mubo og 3% kung itandi sa 2023, ug nagapakita og 2% nga pagkunhod matag tuig.
Ang India ang pinakataas og kaso sa TB, gisundan sa Indonesia, ikat ulo ang Pilipinas, China, Pakistan, Nigeria, Democratic Republic of Congo, ug Bangladesh nga naa sa ikawalong pwesto.
Bisan pa sa seryosong epekto niini, gipadayag sa WHO nga sukad pa niadtong tuig 2000, kapin sa 83 milyon ka kinabuhi na ang naluwas pinaagi sa husto ug paspas nga pagtambal batok sa maong sakit.
Ang TB magpabilin gihapon nga dakong hulga sa panglawas sa publiko, ilabi na sa mga nasud nga ubos og kita, apan nagpadayon ang mga inisyatiba sa WHO ug mga lokal nga kagamhanan aron mapadayon ang pagkunhod sa mga kaso ug kamatayon tungod niini.
Photo courtesy: WORLDPRESS.COM
