Gi-aprobahan na sa US Senate ang funding bill aron matapos na ang government shutdown nga milungtad og kapin sa 41 ka adlaw, ang pinakataas nga shutdown sa kasaysayan sa Estados Unidos.
Sa maong pagpili, walo ka Democrats ug pipila ka Republicans ang miuyon sa bill nga naglatid sa pagpadayon sa pondo sa gobyerno hangtod sa Enero sa mosunod nga tuig. Apil sa final nga bersiyon sa bill ang tulo ka tuig nga pondo alang sa lain-laing federal agencies ug mga programa, lakip na usab ang pagbalik sa mga federal workers nga nawad-an og trabaho atol sa shutdown.
Ingong bugti sa pagsuporta sa walo ka Democrats, miuyon ang Republicans nga magpahigayon og botohan o pagpili sa Disyembre kabahin sa plano nga palapadan pa ang health care tax credits.
Ang bill kinahanglan pa nga maaprobahan sa US House of Representatives ug mapirmahan ni US President Donald Trump aron pormal nga matapos ang shutdown.
Sa kasamtangan, kapin 1.4 milyon ka federal employees ang naapektuhan uban niini wala’y bayad nga leave o nagtrabaho nga walay suweldo. Tungod sa kakulang sa mga empleyado, kapin 7,000 ka mga flights ang napakgang ug 2,000 ang nakansela sa mga airport sa tibuok US.
Gisugdan ang shutdown human gimando ni Trump sa mga air traffic controllers nga mubalik sa trabaho bisan wala’y suweldo.
Photo Courtesy to: CAIMUN
