Nagpahinumdom ang Department of Trade and Industry (DTI) ngadto sa mga mamalitay nga likayan ang panic buying, mopalit lamang sa sakto ug haom sa panginahanglan sulod sa mga panimalay ug permanenteng susihon ang presyo sa mga palaliton.
Giawhag usab sa departamento nga batasanon ang pag update sa mga anunsyo sa DTI ug sa matag lokal nga panggamhanan.Mamahimo usab nga moreport sa ilang buhatan kung adunay makitang mga kaso sa overpricing samtang ginapatuman ang price freeze.
Dugang pa sa DTI nga gikinahanglan usab sa mga negosyante nga mosunod sa price freeze, mohatag og saktong presyo ug impormasyon, ug tahuron ang katungod sa mga mamalitay. Anaa usab sa matag probinsya ug rehiyon ang Negosyo Centers o DTI Regional Offices kung gikinahanglan og tabang ug hustong paghan-ay.
Photo Courtesy to:Dreamstime.com
