Samaran ang duha ka mga indibidwal human nalambigit sa vehicular accident nga natigayon sa may national highway sa Purok Nangka, Barangay Motosawa, Dumalinao, Zamboanga del Sur, niadtong nakalabay nga adlaw.
Sa inisyal nga imbestigasyon, igo lang mihunong ang usa ka blue Mazda Titan utility vehicle nga gimaneho sa nagngalang Laurel, 39-anyos, negosyante gikan sa Siay, Zamboanga Sibugay sa lugar aron pagsusi sa nag-overheat nga radiator.
Apan sa kamulo nga pagsusi sa driver sa naka-abli nga sakyanan kalit nga nadasmag ang usa ka Honda Click 125 motorcycle nga gimanheo sa usa ka nagngalang Eric, 40-anyos, lumulupyo sa Dumalinao, Zamboanga del Sur.
Tungod sa impact, ang driver sa sakyanan ug sa motorsiklo susama nga naka-angkon ug samad ug bun-og sa lawas nga gidali pagdala sa PDRRMO rescue team sa Zamboanga del Sur Medical Center, Barangay Dao, Pagadian City, alang sa dinaliang pagtambal.
Samtang ang duha ka mga behikulo nga nalambigit sa panagbangga susama nga naka-angkon ug damyos ug gidala sa Dumalinao Municipal Police Station alang sa tukmang lakang.
Photo Courtesy to:PD ZSPPO, PRO 9
