Arestado ang usa ka 32 anyos nga lalaki atol sa gilusad nga joint drug buy-bust operation pinaagi sa mga PNP personnel sa Molave Municipal Police Station sa Barangay Maloloy-on, Molave, Zamboanga del Sur l, niadtong nakalabay nga adlaw.
Giila ang dinakpan nga si Henrey Abarquez Toledo Jr., residente sa Molave, Zamboanga del Sur. Nakumpiska atol sa operasyon ang pito ka pakete sa gituohang shabu, usa ka Php500 bill nga gigamit isip buy-bust money, usa ka gray Techno cellular phone, pito ka aluminum foil l, ug usa ka black coin purse nga gigamit isip sudlanan sa gituohang shabu.
Ang tanang nakuha nga mga ebidensya giturn-over ngadto sa Zamboanga del Norte Provincial Forensic Unit 9 alang sa laboratory examination.
Samtang ang dinakpan nga suspetsado nakakustudiya na sa Molave Municipal Police Station ug gi-andam na ang kasong may kalabutan sa paglapas sa RA 9165 kon Comprehensive Dangerous Drugs Act of 2002.
Photo Courtesy to: PD ZSPPO, PRO9
