Gimando dayon ni Acting Transportation Secretary Giovanni Lopez ang paspas nga pagtukod sa bag-ong pantalan sa Pio Duran Port sa Albay. Kini human nadaot sa bag-o lang nga bagyong Uwan.
Atol sa inspeksyon nga gihimo ni Lopez, iyang gitambagan ang Philippine Ports Authority (PPA) nga maghimo dayon og bag-o ug lapad nga port ug road connector tungod mokabat sa 30 ka mga cargo trucks paingon sa Masbate ang moabot ug mosakay sa mga barko matag adlaw.
Ang pantalan importante usab sa mga residente ug mga pasahero tungod kay usa kini sa mga sentro sa patigayon ug negosyo sa munisipyo.
Gihatagan usab niya og importansya ang pagtukod og edipisyo sa Philippine Coast Guard alang sa dali nga pagtubag sa matag higayon nga adunay katalagman sa kadagatan.
Photo Courtesy to:Discover the Philippines
