Magpatuman sa Price Freeze ang kompanya sa lana nga Petron sa gasolina ug diesel sa pito ka probinsya nga naigo sa Super Typhoon “Uwan.” Sa usa ka pahibalo nga gi-isyu sa kompanya, epektibo kini karong semanaha sa Isabela, Cagayan, Albay, Nueva Vizcaya, Camarines Sur, Camarines Norte, ug Sorsogon.
Gipahibalo usab sa Jetti Petroleum nga ang Pangasinan, Nueva Ecija, Bicol Region, Panay Provinces, Negros Occidental, ug Cebu wala maapektuhan sa pagsaka sa presyo. Kini nagpasabot nga ang presyo sa gasolina ug diesel sa nahisgutang mga lugar, dili motaas og ₱0.50 sa pagkakaron.
Sa sayo pa ang Department of Energy (DOE) nagpahinumdom sa paglungtad sa usa ka nasudnong Price Freeze sa 11-kilograms nga LPG ug kerosene sa panimalay ubos sa Price Act nga epektibo gikan sa Nobyembre 7 hangtod 21 human sa deklarasyon sa Presidente sa usa ka nasudnong state of calamity tungod sa epekto sa Bagyong Tino, subay sa Proclamation No. 1077.
Photo Courtesy to:saksi ngayon
