Giandam na karon ang Provincial Meet 2025 sa Davao de Oro nga ipahigayon sa lain-laing venue aron mahatagan og kahigayonan ang daghang partisipante gikan sa nagkadaiyang lungsod sa probinsya. Kini sumala ni Marilyn Delos Reyes, Principal III sa Nabunturan, Central Elementary School Spend Center,, Davao de Oro.
Pinasahi karon ang pamaagi tungod sa kalamidad sa tibuok Provincial Meet kumpara sa mga miaging tuig tungod kay multi-venue na kini imbes nga usa lang ka dapit. Hisayran nga ang Nabunturan Central Elementary School maoy usa sa mga host venue alang sa daghang sporting events sama sa arnis, basketball, chess, football, futsal, softball, gymnastics, wrestling, wushu, ug sipa.
Gikatakda nga ipahigayon ang unang batch sa kompetisyon gikan Nobyembre 13 hangtod 16, diin mokabat og 11 ka munisipalidad ang mopartisipar, nga adunay kapin sa 1,000 ka delegado. Ang ikaduhang batch ipasunod sa Nobyembre 18 hangtod 21, uban gihapon sa parehas nga gidaghanon sa mga delegasyon.
Gilauman nga pinaagi sa maong multi-venue setup, mas hapsay ug organisado ang pagpadagan sa mga dula samtang ginaampingan ang seguridad ug kahimsog sa tanan nga mga partisipante.
