Opisyal nga midaog si Mika Yokota isip unang babaye nga gobernador sa kasadpang prefecture sa Japan niadtong Dominggo, Nobyembre 9. Kahibaloan nga si Yokota usa ka kanhi deputy governor sa Hiroshima Prefecture.
Ang 54 anyos nga goberdor midagan sa eleksyon isip independente nga kandidato nga gi-endorso sa Liberal Democratic Party, Constitutional Democratic Party of Japan, Democratic Party for the People ug Komeito.
Kahibaloan atol sa kampanya, si Yokota misaad nga ipadayon ug pauswagon ang baruganan sa palisiya ni outgoing Gobernador Hidehiko Yuzaki, kinsa mi-resign human sa pagserbisyo sa upat ka tuig nga termino.
Gani, iyang gipildi ang duha ka kaatbang lakip na si Mayumi Inohara nga opisyal sa Hiroshima branch sa New Japan Women’s Association, nga gipaluyohan sa Japanese Communist Party.
Kalabot niini, sa panahon sa pagpiniliay siya nakadani ug suporta sa mga botante pinaagi sa pagpasiugda sa iyang mga palisiya ilabina sa mga batan-on ug babaye ug aron usab nga mapalig-on ang produksyon sa agrikultura, kalasangan ug pangisda.
Photo Courtesy to:PNA
