Nakab-ot sa Boston Municipal Police Station ang ikatulong pwesto sa mananaog sa Anti-Sexual Advocacy Campaign Video Clips and Animation Making Competition kini atol sa Kick-Off Ceremony sa pagsaulog sa 33rd National Children’s Month nga gipahigayon didto sa PRO 11, Sambisig-Tagapagkalinga Hall, Camp Sgt Quintin M Merecido, Buhangin Davao City niadtong Nobyembre 10, 2025.
Ang kalihokan adunay temang “OSAEC-CSAEM Wakasan: Kaligtasan at Karapatan ng Bata Ipaglaban”. Gani, ang selebrasyon nagpasiugda sa pasalig sa Boston MPS sa pagpanalipod ug pagsuporta sa mga katungod, kaluwasan ug kaayohan sa matag bata.
Kalabot niini, giila usab sa PRO 11 ang mga mananaog sa R.E.E.L J.U.S.T.I.C.E pinaagi sa paghatag ug Plaques ug Cash Prizes, diin gidawat kini nila PMAJ RICKY A OBENZA, Chief, PCADU, DOPPO kauban si PMSg Katherine M Linaza.
Kini nga kalampusan nagpakita sa pagkamamugnaon ug dedikasyon sa mga personahe sa pagpakaylap sa kahibalo ug adbokasiya batok sa sekswal nga pag-abuso ug pagpahimulos pinaagi sa paghimo og video animation.
Photo Courtesy to:Bostonpcr Davnor
