Giandam sa Department of Agriculture (DA) og kapin sa Php384-M nga balor sa hinabang, alang sa mga mangingisda ug mag-uuma nga naapektuhan sa pagkusokuso sa super typhoon Uwan.
Ang nasangpit nga tabang, naglakip sa farm inputs nga gibanabana nga mobalor og halos Php380-M nga kantidad alang sa humay, mais ug high-value crops industry.
Nag-andam usab ang DA og Php1.24-M nga balor sa animal feeds ug supplements, alang sa livestock ug poultry industry. Ang nahibilin, alang sa libreng fingerlings nga ipang-apod-apod sa mga mangingisda.
Gipaniguro usab sa ahensya ang igong suplay sa bugas sa tibuok nasud, alang sa mga naapektuhan sa kusog nga bagyo.
Matod sa National Food Authority 2.57M ka sako sa bugas ang andam na nga ipang-apod-apod sa mga lokal nga kagamhanan ug ubang mga ahensya sa hinabang.
Photo Courtesy to:DA
