Nasakmit sa mga otoridad ang gitouhang pinaugang dahoon sa marijuana, sa checkpoint sa Quezon Boulevard, Poblacion, Kidapawan City, kadlawon niadtong Nobyembre 10, 2025. Giila ang motoristang suspek nga si alyas Jaymar, residente sa Purok 6, Barangay Sudapin sa nahisgutang syudad.
Sa taho, samtang nagapahigayon og checkpoint ang kapulisan, nakita sa mga otoridad ang pipila ka sa sachet sa nahisgutang ilegal nga droga nga nakasulod sa utility box sa iyang motorsiko. Anaa sa gibana-banang Php600.00 ang kantidad sa marijuana nga nasakmit gikan sa suspek.
Sa karon, padayon pa ang imbestigasyon sa Kidapawan City Police Station aron masuta ang gigikanan sa maong droga. Samtang, ang dinakpang ulitawo anaa na sa kustodiya sa kapulisan ug giandam na ang kasong ipasang-at batok kaniya.
Photo Courtesy to:Williamor Magbanua
