Usa ka lalaki ang nakapahibulong sa kadaghanan human niya pakaslan ang iyang kaugalingon sa usa ka simbolikong kasal nga gipahigayon sa usa ka private resort.
Sumala pa sa lalaki, nakaagi na siya sa daghang kasakit ug kapakyasan sa gugma, ug tungod niini, nakahukom siyang angay niyang higugmaon ug sabton ang iyang kaugalingon una pa sa tanan. “Mas maayo pa akong kaugalingon, kay siya ra gyud ang nakasabot nako,” matod pa niya sa interbyu.
Ang seremonya kompleto pa gyud — may singsing, bouquet, ug cake — apan usa lang ang ikasal: siya mismo. Daghang netizens ang nalingaw ug na-inspire sa iyang istorya, samtang ang uban wala gihapon katuo sa maong panghitabo.
Tinuod ba gyud kini o pa-trend lang? Bisan unsa pa man, usa kini ka ehemplo nga ang gugma sa kaugalingon mao’y labing importante sa tanan.
Photo Courtesy to:Whatsup World
