Modonar og Php3 milyon ang Sangguniang Panlalawigan sa Surigao del Norte alang sa apektado sa paghapak sa Bagyong Tino didto sa Probinsya sa Cebu. Atol kini sa regular session sa Sanguniang Panlalawigan subay sa resolution giduso sa Committee on Finance, Budget, and Appropriation Committee Chair Michael Jose Patiño.
Ang maong kantidad gamiton sa mga lugar nga naapektohan sa bagyong Tino. Kahibaloan nga ang Cebu Province ang pinakagrabe nga napektuhan sa kalamidad ni Bagyong Tino (Kalmaegi), nga miresulta sa kapin 100 ka patay ug liboan ka pamilya nga naapektuhan, base sa pinakabag-ong datos sa National Disaster Risk Reduction and Management Council (NDRRMC).
Sa report sa NDRRMC, mokabat na sa 200 kapin ang namatay ug 135 ang missing. Apektado ang Central Visayas, kasagaran sa probinsya sa Cebu, samtang duha gikan sa Western Visayas. Usa usab ang namatay sa Bohol. Mokabat sa 13 pa ka tawo ang gi-report nga nawala ug 10 ang nasamdan samtang padayon ang search and rescue operations sa mga lugar nga grabeng naapektuhan.
Matod ni Office of Civil Defense (OCD)-7 Regional Director Joel Erestain, daghang biktima ang natabonan, nalumos, ug nahulugan sa mga debris sa kalit nga pagbaha. Liboan usab ka mga pamilya ang nidangop sa evacuation center para sa ilang kaluwasan atol sa Bagyong Tino.
Sa Western ug Central Visayas, Negros Island, ug Caraga. Kapin 348,000 ka tawo ang nag-evacuate sa mga evacuation center, samtang 27,000 pa ka tawo ang mipasilong sa ubang lugar.
Daghang usab nga lugar ang nakasinati sa baha ug landslide,
Tungod sa kalapad nga kadaot, gipailalom sa State of Calamity ang tibuok probinsya sa Cebu. Sumala sa NDRRMC, kapin ₱31 milyon nga tabang ang na apod-apod na sa mga biktima sa bagyo.
