Mipagawas pag-usab sa iyang kabalaka ug kasuko si US President Donald Trump bahin sa record-breaking nga government shutdown nga nagparalisa sa daghang operasyon sa pederal nga gobyerno sa Estados Unidos.
Sumala sa Presidente, ang mga Democrats ang hinungdan sa shutdown, ug sila matod pa ang responsable sa pagkawala sa pondo sa daghang mga ahensya sa gobyerno.
Gikabalaka ni Trump ang mga negatibong epekto sa shutdown, lakip na ang kawad-on sa pang sweldo sa mga federal workers, nga nakahatag og kalisod sa mga trabahante. Iyang giangkon usab nga apektado na ang stock market tungod sa pagpadayon sa shutdown.
Sa pagkakaron, padayon gihapon ang politikal nga tensiyon tali sa mga Republicans ug Democrats, samtang daghang Amerikano ang nagpaabot sa posible nga solusyon aron matapos na ang pinakataas nga government shutdown sa kasaysayan sa US.
Photo courtesy:YAHOO!NEWS
