Gideklarar na ang state of calamity sa Palawan human sa grabeng kadaot nga gidala sa bagyong Tino. Sumala sa report, ang bagyo ikapitong nag-landfall sa Taytay ug ikawalong nag-landfall sa El Nido sa probinsya kagahapon niadtong Miyerkules, Nobiyembre 6.
Tungod niini, mahimo na nga magamit ang calamity fund sa probinsya nga nagkantidad og Php90 million. Base sa Provincial Information Office (PIO) Palawan, ang pondo gitagana alang sa: Pag-ayo sa mga nadaut nga tulay, kalsada, ug uban pang imprastruktura.
Paghatag og financial assistance ug relief goods alang sa mga pamilyang nawad-an og balay ug panginabuhian. Sumala sa pinakabag-ong situation report gikan sa Provincial Disaster Risk Reduction and Management Office (PDRRMO), misaka sa kapin 97,000 ka tawo ang naapektuhan sa bagyo.
Padayon gihapon ang damage assessment sa mga ndaut sa lugar ug ang paghatag sa family food packs sa mga residente nga naapektuhan sa kalamidad.
Photo Courtesy to: News- Inquirer.net
