Nagpadayag sa pahasubo og respito si Presidente Ferdinand R. Marcos Jr. alang sa unom ka miyembro sa Philippine Air Force (PAF) nga namatay human nahagsa ang usa ka Huey helicopter sa Agusan del Sur, niadtong Nobyembre 4.
Sumala sa Presidential Communications Office (PCO) ug Palace Press Officer Usec. Claire Castro, ang Presidente gipahibalo dayon bahin sa insidente.
Gimandoan usab ni Presidente Marcos ang Armed Forces of the Philippines (AFP) ug PAF nga sigurohon nga ang tanang tabang ug benepisyo mahatag sa mga pamilya sa mga biktima.
Sa usa ka pahayag, ang Department of National Defense (DND) nagpahayag usab sa iyang sinsero nga pahasubo ug pagdayeg sa kabayanihan sa mga piloto ug tripulante nga nagpahigayon sa relief mission para sa mga naapektuhan sa Bagyong Tino.
Gipasiugda ni Defense Secretary Gilberto Teodoro Jr. nga ang sakripisyo ug dedikasyon sa mga naglangkob sa rescue team dili malimtan.
Photo Courtesy to:PNA
