Anaa na karon sa unang puwesto sa PBA 50th Philippine Cup ang Rain or Shine Elasto Painters human mapildi nila ang Phoenix Fuel Masters sa iskor nga 91-80 sa duwa nga gipahigayon sa Ninoy Aquino Stadium.
Nanguna sa Rain or Shine si Gian Mamuyac nga nakapuntos og 22 points, adunay tulo ka rebounds ug tulo ka assists, samtang si Anton Asistio nakadugang og 20 points alang sa ilang team.
Ang Elasto Painters karon adunay lima ka kadaugan ug usa ka kapildihan, lakip na ang upat ka sunod-sunod nga kadaogan, nga nagpalig-on sa ilang liderato sa torneo.
Sa laing bahin, ang Phoenix Fuel Masters nagpabilin nga adunay usa ka daug ug lima ka pildi, bisan pa sa paningkamot ni Jason Perkins nga nakatala og 17 points ug pito ka rebounds.
Padayon gihapon ang Rain or Shine sa ilang lig-on nga porma samtang nagtinguha nga mapadayon ang ilang winning streak ug mapanalipdan ang ilang top spot sa PBA standings.
Photo courtesy:ABS-CBN
