Subsob na ang pagbansay sa Philippine women’s national futsal team o giila nga Filipina 5. Sukad Oktubre 29 hangtud Nobyembre 11 magbansay na ang koponan sa Barcelona ug Madrid, Spain alang sa mas grabeng practice.
Kini na ang ulahing training sa koponan sa dili pa sila mo-host sa 2025 FIFA Futsal Women’s World Cup (FFWWC) nga pagahimoon sa Pasig City sa Nobyembre 21.
Matod ni Philippine Football Federation President John Anthony Gutierrez nakabaton na ug friendly games ang koponan. Dugang niini, mahinungdanon ang nasangpit nga pagbansay aron mapakita ilang pagkamaayo sa futsal isip host country.
Unang maka-atubang sa Pilipinas ang Poland sa Nobyembre 21 samtang sa Nobyembre 24 makaatubang nila ang Morocco nga sundan sa Argentina sa Nobyembre 27.
Photo Courtesy to:Philippine Football Federation
