Andam ang City Disaster Risk Reduction and Management Office (CDRRMO) Pagadian sa mga posibleng epekto nga dala sa Bagyong Tino sa pipila ka bahin sa Visayas ug Mindanao nga posibleng adunay mga hinungaw mabati sa syudad sa Pagadian.
Sa pakighinabi sa Juander Radyo News Team kang CDRRMO Head Richard Fabria giingon niini naka-code blue alert ang siyudad og hugot ilang koordinasyon sa nagkalain-laing ahensya gobyerno aron masiguro ang tukmang pag-andam ug dali nga pagtubag sa posibleng epekto sa bagyo.
Segon ni Fabria naka-standby na ang mga medical teams, rescue teams, ug mga support personnel alang sa bisan unsang emerhensiya nga posibleng mahitabo.
Gipahimutang na usab sa mga estratihikong lugar ang mga heavy equipment ug mga sakyanan aron daling magamit kon adunay kakulian hinungdan giawhag niini ang katawhan sa Pagadian nga kun adunay preemptive evacuation sundon lang aron masiguro ang ilang kaluwasan.
Segon sa opisyal, ang ilang pagpangandam subay sa kamanduan ni Pagadian City Mayor Sammy Co nga nagpahugot sa iyang lakang sa pag-andam aron masiguro ang kahapsay ug luwas ang kahimtang sa mga residente sa syudad.
Nagpadayon sa pagmonitor ang CDRRMO sa mga weather advisories, pagpalig-on sa koordinasyon sa barangay level, paghatag og impormasyon sa publiko kabahin sa posibleng risgo, ug pag-andam sa mga evacuation sites kung kini kinahanglan.
