Gisugdan na ni kanhing four-division world boxing champion Nonito “The Filipino Flash” Donaire Jr., ang iyang intensive training alang sa umaabot nga world title fight.
Niabot si Donaire sa Mactan, Cebu uban sa iyang pamilya alang sa grabeng training session. Ang 43-anyos nga si Donaire, gikatakdang makigsangka batok kay Seiya Tsutsumi sa Japan karong Disyembre 17 sa Tokyo, Japan.
Kung modaog ang pambato sa Pilipinas, mahimo siyang ikatulong labing karaan nga boksidor nga nakadaog og world title.
Subay niini ang 29-anyos nga Japanese boxer, wala’y pilde sa 12 ka away nga adunay tulo ka tabla ug walo ka knockouts, samtang si Donaire adunay 43 ka daog, walo ka pildi ug 28 ka knockouts.
Una ng gitakdang makigsangka ang Japanese boxer kontra kay Antonio Vargas sa US, kinsa gituboy ngadto sa full champion status sa WBA interim tungod wala nahimong aktibo si Tsutsumi.
Si Vargas miatras sa away sa Japanese boxer, tungod sa kamatayon sa iyang inahan, hinunghdan nga si Donaire maoy napili nga mopuli kaniya.
Photo Courtesy to:The Ring Magazine
